LLB Bistro (已結業)

昨晚同朋友食完嘢，想再搵個地方吹吓水。喺中環行行吓，見到呢間，就試吓啦。我哋叫咗個白酒忌廉青口配蒜蓉包。賣相都唔錯。佢白酒嘅香味好濃，令到個忌廉汁好清新，唔係好黏稠果種汁，所以唔會覺得膩。但我個人覺得青口係配角，蒜蓉包同個汁先係主角。如果鐘意食農夫包，係可以加錢轉為農夫包。不過，我哋都鐘意食蒜蓉包，咁梗係唔轉啦。本身想問佢哋有冇得再散叫一份（因為餐牌冇），但食食吓，發現都飽飽地。咁就留返下次再問啦。