麥田緣

營業中

休息中

（講故仔）話說好耐之前入元朗食台灣麵，經過見到呢間麵包店好精緻，仲有得試食！覺得呢間麵包店好特別，佢既麵包好似自己屋企製咁，食得出味道好新鮮，而且口感好鬆化。由於實在太好食，有幾次都入去食哂大部分既口味，但都係覺得太貴，運完吉就走左。後來同老死經過多幾次，老死終於忍唔住，話我明明咁鍾意呢間既包，唔應該吝嗇廿幾蚊，應該支持下，咁先可以確保將來都有得不停試食口味（同新口味）。就係咁，我養成左每次經過麥田緣（其實係每次去元朗都智特登經過一下）都會買一個包既習慣（通常都係試食哂之後）。其中一款最喜歡買的係紫薯朱古力麵包。質感超正，食到鮮味，尤其係入面Ｄ紫薯，真係超正！買既時候好似好大個包，但搣搣下好快就KO左。原來支持自己欣賞的店子感覺好好的。同樣地，有支持的歌手、歌曲、電影都一樣。人大了，知道唔可以習慣唔付出去支持去買，因為個個都係咁，有可能有一日想支持都太遲了。好在麥田緣都有其他小粉絲，而我今天都歸隊了，最近仲做埋VIP。原來除左油麻地都有店外，聽店員講可能會再開新分店呢！期待。