心血來潮,貪得意夜晚走去今宵大廈影吓相.
記憶中, 年初幫朋友占卜睇風水之后去咗樂天, 質素唔錯, 所以今晚再去幫襯.
同上次一樣, 點蟹粉炒飯, 外婆紅燒肉.
另外再點上海生煎包, 聞香蔥油餅, 蔥油大餅.
當然….. 點小籠包是常識吧, 今次就點咗原味.
聞香蔥油餅同蔥油大餅分別係聞香蔥油餅口感酥脆, 蔥油大餅口感似食麵包, 我中意酥脆口感, 又中意大餅夠多蔥夠蔥油香, 各有千秋.
可能依家係食蟹日子, 所以今次食蟹粉炒飯, 蟹味比上次濃, 又有好正嘅蟹黃, 味道滿分.
外婆紅燒肉同上次一樣, 即使豬肉部份都好鬆軟, 其他部位更加唔洗講，入口即溶啦.
肥？理得咁多咩！又唔係日日食！
.其實.... 上次同個風水客黎食小籠包, 食得唔太開心, 因為佢地點咗八色皇朝小籠包，唔係我杯茶, 我個人比較傳統 (即係古板!) 原味先係我飛佛.
我對小籠包嘅要求, 樂天都達標.
夾起小籠包時皮唔會穿, 當然啦... 皮唔可以太厚.
夠熱.
小籠包內有高湯.
有爆汁口感.
唔記得數吓係咪18個褶添
我一向唔點醋, 內餡味道適中, 唔會太咸, 滿分.
食完之后行番去今宵大廈條斜路攞車.....
放下愁緒, 今宵請你多珍重......
