影片
更多
2017-04-06
557 瀏覽
辛苦左一日，老公提議搵個坐得舒服啲既地方食個晚飯，於是小朋友就提議去上水匯既「茜廊」喇！環境，氣氛真係幾好，可以望到窗外景色，餐廳內卡位亦不小，特別節日近近地可考慮一下，價錢抵食，又多一個食好西既選擇！最重要唔需要同水貨朋友迫又靜靜地！晚餐有好多不同選擇，有套餐亦有散叫（可惜我地落左單先發覺仲有一本好似雜誌咁既散叫餐牌，唯有下次先食）特級西冷牛排 套餐 $118 ~7成熟（原來呢個餐係有餐包同湯，我而家先發現職員上漏左）估唔到牛排質素超過預期，面積佔鐵板一半有多! 而且肉厚夠鬆化，多汁唔會好乾，熱辣辣，薯菜份量亦相當多，平民價食埋環境同氣氛實屬不錯。二人套餐 $388 ~ $498 頭盤+湯+包+餐前紅,白酒/橙汁+ A,B 款主菜各一+咖啡/茶+甜品 （真係好抵食）頭盤 煙三文魚沙律（2客）+白酒煮藍青口三文魚同沙律菜幾新鮮，連唔鐘意食菜既小朋友都成客ko左！藍青口好鮮甜，啖啖肉，無海水味，一客份量都幾多，鐘意食藍青口既見到都好吸引，不過建議頭盤可以多1，2個選擇。A款主菜 波士頓龍蝦（半隻）拼德國BBQ豬仔骨 $498龍蝦雖然得半隻，但已經佔隻大碟既1/3有多，肉厚同好多汁，龍蝦味
環境，氣氛真係幾好，可以望到窗外景色，餐廳內卡位亦不小，特別節日近近地可考慮一下，價錢抵食，又多一個食好西既選擇！最重要唔需要同水貨朋友迫又靜靜地！
晚餐有好多不同選擇，有套餐亦有散叫（可惜我地落左單先發覺仲有一本好似雜誌咁既散叫餐牌，唯有下次先食）
特級西冷牛排 套餐 $118 ~7成熟（原來呢個餐係有餐包同湯，我而家先發現職員上漏左）
估唔到牛排質素超過預期，面積佔鐵板一半有多! 而且肉厚夠鬆化，多汁唔會好乾，熱辣辣，薯菜份量亦相當多，平民價食埋環境同氣氛實屬不錯。
二人套餐 $388 ~ $498 頭盤+湯+包+餐前紅,白酒/橙汁+ A,B 款主菜各一+咖啡/茶+甜品 （真係好抵食）
頭盤 煙三文魚沙律（2客）+白酒煮藍青口三文魚同沙律菜幾新鮮，連唔鐘意食菜既小朋友都成客ko左！藍青口好鮮甜，啖啖肉，無海水味，一客份量都幾多，鐘意食藍青口既見到都好吸引，不過建議頭盤可以多1，2個選擇。
A款主菜 波士頓龍蝦（半隻）拼德國BBQ豬仔骨 $498龍蝦雖然得半隻，但已經佔隻大碟既1/3有多，肉厚同好多汁，龍蝦味加埋芝士焗既香味，半隻真係唔多夠喉@@
豬仔骨拼落龍蝦度略為遜色，不過BBQ汁好入味，係肉質乾左小小，但整體真係不錯~
B款主菜 巴黎鐵塔千層麵好鐘意食呢款千層面，以肉醬為主，芝士焗，絕對夠晒份量夠晒汁，味道配搭剛好，因為出面好多都太濃味好快食濟，呢度無呢種感覺仲反而覺得開胃左！ 千層麵又唔會焗到乾身，保留返原來既興感同口感，推介。
是日甜品：朱古力蛋糕，綠茶雪糕
朱古力蛋糕有2小件，好濃同埋有口感，小朋友1分鐘ko晒!
p.s 襯住復活節，餐廳舉行左填色比賽比小朋友，有得玩之餘，填完交返比餐廳仲有一張於下次光顧可換領一客香蕉船送!
張貼
