第三站

今日去到位於金雞廣場25樓嘅Station 3 Cafe，距離地鐵站只係三至5分鐘嘅距離，非常方便。環境光猛舒適，仲帶點新年氣氛！Lunch sets有好多款揀～加$38仲有田園沙律同埋蛋糕，而蛋糕單點都要$36，咁就梗係加配沙律同埋蛋糕最抵啦😬黑松露蟹肉配黑醋沙律🥗，蟹肉嘅份量超級多～每一口都有超級多嘅蟹絲同埋黑醋沙律，用黑醋同埋橄欖油比起用芝麻醬更加健康，酸酸地亦都非常開胃！黑松露帶子鮮菌燴意大利飯，個飯真係不得了，加埋菇嘅香氣同埋帶子嘅口感，令每一啖燴飯都充滿層次，最表面嘅芝士仲提升到個飯嘅香氣添～份量非常充足Tim!煙三文魚忌廉蕃茄醬扁意粉🍝，煙三文魚總共有三大塊，非常厚切。忌廉蕃茄醬嘅味道濃郁，意粉爽口彈牙，忌廉令到口感濃稠，加埋Tabasco一流～今次嘅蛋糕有三款，分別係法國朱古力、藍莓、紐約芝士蛋糕，朱古力控就唔可以錯過法國朱古力蛋糕啦！佢係由朱古力海綿蛋糕同mousse整成～加埋側邊嘅忌廉同埋朱古力醬，口感層次豐富！水蜜桃紅茶水蜜桃紅茶感覺清新，有陣陣水蜜桃香。焦糖朱古力真係超鍾意朱古力，仲要加上焦糖醬, 味道超級香濃，再配埋頭先個朱古力蛋糕，滿口都是朱古力！午餐set