更多
2009-09-21
29 瀏覽
前晚跟男友唔知食咩好,去到金伯利下面,有好多人派宣單,見到佢地有張送2杯飲品既coupon,加上又好耐冇食泰菜,所以就上左去。(我認,我唔應該貪小便宜 !!!!) 裝修有d 特色,女仕應態度都好好,之後問佢係咪有coupon有野飲送,佢話係,然後攞左free drink 的menu,原來只係送檸茶、奶茶,不過都冇所謂,送既野,預左唔會係貴野,之後就叫左一個抽子沙律 (個汁好怪、整體過酸),一個軟殼蟹春卷 (唔知係咪係春卷皮入面的其他配菜太多,定還是隻蟹太細,食唔到軟殼蟹的香味),甜酸豬柳 (只可以話k la),本來想叫多個菜,不過試完尼幾樣之後,已經覺到唔洗叫,因為真係麻麻地。(感覺係..同區其他泰國菜館,價錢差唔多,都會好味好多。) 然後叫埋單,一睇張單,見到2杯飲品$25x2,就想問佢: 唔係免費咩?然後再睇落d,原來佢先加左兩杯飲品錢,之後加埋一,先至再減番2杯飲品錢 (-$25 x 2)。個一刻覺得怪怪地,不過照比錢,之後專登要番張單,返屋企再計一計,發覺其實佢加左$50 先,再加一,然後再減番$50,即係我地要比個2杯「免費」食品幾蚊,雖然話幾蚊,不過如果佢唔係話「免費」(張
張貼