甜品莊

營業中

休息中

今晚飯後，兩位朋友都話要食甜品，見到有人排隊等位，我哋都決定排埋一份。餐牌嘅甜品選擇好多，睇到眼花撩亂，最後，我哋每人都叫咗一款甜品，味道正！小店果然名不虛傳！法式焗香草燴梨 呢個甜品好大份，不但賣相吸引，食起嚟更有多重口感。因為用焗嘅方式，令表層嘅香草汁形成一層金黃色，十分脆囗；至於內裏嘅香草汁同梨肉，細滑易入口，每啖都有梨香同雲呢拿香；連埋雪糕一齊食，又凍又暖，食完一啖又一啖。士多啤梨梳乎厘梳乎厘可以揀自己鍾意嘅味道，有原味、朱古力、薑汁同士多啤梨。我哋三個人都係第一次食士多啤梨梳乎厘，認為比原味更好味，因為除咗有蛋白嘅香味，仲多咗士多啤梨嘅味道，鬆軟之餘味道更有層次。由於呢個甜品製作需時，我哋排隊等位嘅時候就已經同店員落定order，咁就唔使等咁耐。朱古力心太軟伴雪糕雖然心太軟裏面嘅朱古力唔算太流心，但朱古力味就好濃，而且甜味適中，又夠曬熱，配埋香蕉片同雲呢拿雪糕，一熱一凍，都算唔錯。