豊勝手丼 (已搬遷) 新店位置

舖頭雖然唔係大街，但夜晚黎到都坐滿人，而且店內只有幾張枱，所以有可能要等位。因為當日唔想食生冷野，但朋友又話呢間出名又好食，所以我黎到唯有揀熟食－二重鰻魚飯！份量都幾驚喜！係出面既鰻魚飯價錢，但就有2條，而且1條都好大！影完相條鰻魚凍左，但都食到d醬汁好濃味，如果即刻熱食一定更好！而星鰻就更有明顯魚鮮味。食到最後淨返d鰻魚，飯就無晒，但好彩可以免費添飯，抵！個定食其實都幾豐富，有埋關東煮蘿蔔、麻醬豆腐、麵豉湯，實夠飽！食完趕住急急腳走，費時門外既人等位等太耐。