Donut's BaBa

營業中

休息中

行行下街派COUPON, 見買一送一, 眼球立即比佢吸引住。條街熱屎辣辣, 最啱食雪糕! 不過估唔到地庫勁多美甲店，原來係有賣雪糕, 仲出現左條小人龍~間鋪得一個人, 唔怪得咁慢。不過佢d 雪糕係幾平，一球十蚊，仲要買一送一，不過特別口味就要補番錢。身為小店，佢都有好多幾特別既口味, 好似白兔糖ar, 金莎，黑糖珍珠奶茶，不過我最想食既係繽紛樂味~雪糕質地帶點黏性, 未算好滑,但又唔係嚡口~先試白兔糖味, 陣味真係同白兔糖一模一樣幾有驚喜, 不過食到尾都幾甜~繽紛樂味食落有D 榛子味, 仲有D nuts~不過食落有D 淡口，個味有d 薄弱。但係連埋朱古力醬食，又真係幾似食緊繽紛樂， 如果多d 朱古力醬我覺得呢個味其實真係唔錯。