Le Cafe (寶其利街)

營業中

休息中

今日同家人三個一齊嚟食晚飯，叫咗三個不同意粉。三個意粉都好好味，太太仲非常激讚！佢個意粉做得好好，係因為個汁能夠掛係個麵度，所以真係能夠食到唔同嘅味道。個蘑菇湯唔可以用飲嘅嚟形容，應該要用食嚟形容，真係好足料！佢個迷你Pizza用咗個好特別嘅方法去整，所以每個Pizza嘅料都唔會話分佈得好唔平均。個朱古力沙冰好好味，咖啡都好香。價錢親民，以咁嘅價錢有咁嘅食物質素非常難得！所以太太話以後嚟紅磡食飯，呢間係可以係再嚟嘅一間。