稻田食堂

營業中

休息中

屋企附近新開左間日本餐廳，入到去見到佢啲便當幾吸引，就叫咗鹿兒島便當。呢個便當都幾抵食，分別有刺身兩塊三文魚、兩塊帶子、一隻刺身蝦，食落去都幾鮮味。個咖喱飯都做得唔錯，好重咖喱味。天婦羅炸蝦個炸漿夠脆夠鬆軟，另外豬軟骨都炆得好淋好入味。食日本嘢，我最鍾意飲麵豉湯。依家入面有三文魚肉，我超級鍾意。叫左串照燒脆骨雞肉丸子，幾好咬口。鹽燒三文魚鮫燒得剛剛好，油脂分布好平均，好香魚油味。叫多咗個特選五色丼，入面有三文魚、北寄貝帶子、赤蝦、海膽，超級豐富，見到已經流晒口水，一啖刺身一啖飯，食到超級飽。最後口痕，叫多個帶子刺身，帶子好鮮甜入口超級新鮮。