隆姐泰國美食館 (已搬遷) 新店位置

星期日下午，一行八人入咗呢間擴充營業嘅分店。入邊已經坐滿晒人，拿拿林落單。有啲人叫左星期日嘅午餐， $45至$50包嘢飲。但係等左勁耐，先至可以陸續上菜。金邊粉起碼等左40分鐘都未見影。香葉辣肉碎炒飯更加催單10次以後，都未有答覆幾時可以上到，淨係叫你等多一陣，追親佢都冇回應。最後老細走埋嚟話等多一陣，我回覆佢已經等左50分鐘，仲要等幾耐？都係冇回覆。奶茶都要40分鐘先上到枱，真係食餐飯火都嚟埋。全程一句唔好意思都無!個場勁混亂，好多人都追單。朋友話啲嘢食好麻麻，呢啲味道，呢啲服務態度，真係冇下次。