阿爺燒鵝餐室 (已結業)

筲箕灣呢一兩年開左唔少以燒鵝作主打既餐廳，阿爺係其中一間！每次行過或搭車經過都會見到唔少人係度等外賣，有啲仲會成只燒鵝甘買走！今日有機會就黎斬個料，試下佢啦！外買有就甘斬料或者飯餐，個人食或一家人食都得！燒鵝好吸引！望見都流晒口水！師傅斬到無停手，大大只，個皮燒得好均勻，有光澤，食落一定好肥美！燒排骨同燒腩仔都好正甘！樣樣都好吸引，唔知揀咩好！好多燒鵝頸，究竟佢一日賣出幾多只呢？要左下庄，果然無令我失望！佢地既燒鵝係用煙薰，所以文落同食落去都有一陣好香既煙薰味，好香，好特別！而燒鵝個皮好鬆化，咬落去有啲脂肪滲出黎，但又唔會好油膩，超級好食，暫時係我食過最好食既燒鵝！另外叫左燒排骨，半斤都唔少蜜汁甜甜地，燒到好香。肉質夠實，唔會係雪左好耐果啲梅晒既排骨！有鮮味，肉爽。薰蹄都係半斤，份量好足！雪凍左既，薰蹄葉到好入味，加左醋，食落酸酸地。無論皮同肉好爽口！好食！唔錯既暫料餐廳，會再黎！！