葵涌百得阿姨

營業中

休息中

就到糧尾，想頹頹地食個lunch省錢，唔洗講一定係去葵廣。行下行下，見到一樓轉角有間車仔麵，又唔太多人唔洗等位，就一於走過去試試佢。座低睇睇點送紙，所有車仔麵基本野都全部都有齊，價錢都算合理。由於糧尾關係，我只係選左兩個送，亦無加到底。五香肉丁加午餐肉可以話係阿叔每次既指定。望到個麵一上，可以話係返到中學時代咁。夾起注麵食左一啖，完全搵返以前中學小食部個種風味。個麵半熟，入口有d淋又有d硬，餐肉刀工好，夠簿身，肉丁罐頭份量就剛剛好，夠掉味。