彩龍茶樓

營業中

休息中

以前行山經過川龍，多數會順便飲埋茶先走，另一間飲過好幾次，彩龍倒是第一次幫襯。地方比另一間寬敞，可能平日較少人吧！自己搵左位，有個阿姐問幾多人，開左點心card, 寫左茶位，就叫我地自己去「開茶」。自助形式，咁我們以為拿點心都係啦！落到樓下，原來有職員幫手。牆上圖文並茂，任君選擇。馬拉糕好鬆軟冇酸味～ 潮洲粉果好足料，又好味！豬肚燒賣，不過不失芝麻卷，冇味～ 唔多掂！鳳爪，幾好，夠大隻，唔會「林」晒～ 即撞豆腐花，超滑，仲正過大嶼山果d 山水豆花！炒通菜，好食到飽都要繼續食！專程入新界飲茶好值得！