戀 (太子集團中心) (已結業)

尖沙咀北京道12A號太子集團中心美食多籮籮，今次我同朋友去咗6樓新開嘅戀Tsukiau。一去到已經被佢舒服嘅環境吸引住我們。餐廳特意從日本訂購專業燒鳥爐，以接近千度高溫燒烤串燒，快速鎖住肉汁，又做到仿如炭燒焦香的效果❤️ 串燒四色拼盤:我好鐘意五花荔枝肉，荔枝加上五花腩嘅配搭，真係好好食，甜甜酸酸加上油花肉汁，真係無得頂！厚切安格斯牛，厚切牛舌，汁燒雞翼，我食到停唔到口，配日式燒飯團🍙簡直完美配搭。雜錦魚生丼 ，刺身超新鮮。配海老天婦羅🍤烏冬，份量大大無得輸鹽燒花魚配御飯，花魚香滑有汁，廚師功夫，真了得🫶🏻牛肉豆腐野菜鍋配味噌湯烏冬，熱烘烘好窩心👍🏻蜂蜜冰糖菊花茶，冷泡荔枝紅茶，茉莉花綠茶，烏龍茶我哋每人叫一款，各有特色必食紅豆奶凍，見到佢騰騰震qq的超治愈❤️❤️❤️而家新張有五重奏優惠:-訂座優惠 贈串燒拼盤-惠顧生蠔/燒蠔 贈日本清酒/法國白酒-生日優惠 贈甜品 免切餅費-三得利生啤/黑啤買一送一-特色飲品 買一送一