影片
更多
2023-06-22
1124 瀏覽
呢日同友人嚟咗將軍澳Donki附近搵食 見到呢間串燒店人頭湧湧 喺門口望吓餐牌又覺得價錢幾合理 所以就入咗去食☺️ 海鮮 芝士烤生蠔 非常推介呢個烤生蠔🦪 生蠔肥大飽滿 仲好juicy添 芝士熱辣辣食 仲有拉絲效果👍🏻 蒜蓉粉絲烤扇貝 呢個烤扇貝亦都唔錯 都算幾大粒㗎🐚而且扇貝下面仲有大量粉絲同埋蒜蓉 淨係食蒜蓉粉絲都已經好香啦 連埋粒扇貝肉食就不得了🤤 Q彈大魷魚 呢個原條大魷魚咁上都好吸引🦑 魷魚幾彈牙 同幾厚身 串燒 烤牛舌 每份有兩串 呢個價錢都幾抵食 肉質彈牙 面頭有辣粉 更加惹味 烤雞翼 真係燒烤得好靚🐥 外層冇乜燶 而入面係全熟㗎 好考技巧 烤雞脆骨及烤脆雞皮 呢兩個都係一份有兩串 都相當抵食 雞皮真係好脆 好想嗌多兩串食啊😉 雞脆骨就有少少椒鹽喺面 咬落嗦嗦聲 好爽脆Q彈小豬頸肉 一份有6串 每串份量都啱啱好 烤完油脂逼晒出嚟 一啲都唔肥膩😚蒜蓉金針菇 食燒烤都要食返啲菜 所以我哋就揀咗呢個金菇 撈埋蒜蓉嚟食 真係食唔停口😙 蒜蓉芝士撈丁 芝士撈丁都有幾個口味選擇 我朋友真係好鍾意蒜味 所以我哋就揀咗蒜蓉芝士撈丁😎 呢間舖頭嘅蒜蓉真係百吃不厭 芝士同蒜蓉趁熱撈勻之後
呢日同友人嚟咗將軍澳Donki附近搵食 見到呢間串燒店人頭湧湧 喺門口望吓餐牌又覺得價錢幾合理 所以就入咗去食☺️ 
海鮮
芝士烤生蠔
非常推介呢個烤生蠔🦪 生蠔肥大飽滿 仲好juicy添 芝士熱辣辣食 仲有拉絲效果👍🏻
蒜蓉粉絲烤扇貝
呢個烤扇貝亦都唔錯 都算幾大粒㗎🐚而且扇貝下面仲有大量粉絲同埋蒜蓉 淨係食蒜蓉粉絲都已經好香啦 連埋粒扇貝肉食就不得了🤤
Q彈大魷魚
呢個原條大魷魚咁上都好吸引🦑 魷魚幾彈牙 同幾厚身
串燒
烤牛舌
每份有兩串 呢個價錢都幾抵食 肉質彈牙 面頭有辣粉 更加惹味
烤雞翼
真係燒烤得好靚🐥 外層冇乜燶 而入面係全熟㗎 好考技巧
烤雞脆骨及烤脆雞皮
呢兩個都係一份有兩串 都相當抵食 雞皮真係好脆 好想嗌多兩串食啊😉 雞脆骨就有少少椒鹽喺面 咬落嗦嗦聲 好爽脆
Q彈小豬頸肉
一份有6串 每串份量都啱啱好 烤完油脂逼晒出嚟 一啲都唔肥膩😚
蒜蓉金針菇
食燒烤都要食返啲菜 所以我哋就揀咗呢個金菇 撈埋蒜蓉嚟食 真係食唔停口😙
蒜蓉芝士撈丁
芝士撈丁都有幾個口味選擇 我朋友真係好鍾意蒜味 所以我哋就揀咗蒜蓉芝士撈丁😎 呢間舖頭嘅蒜蓉真係百吃不厭 芝士同蒜蓉趁熱撈勻之後就好好食🧀 拉絲效果都好出眾 呢個芝士撈丁份量好夠 但係啲芝士同蒜蓉都夠撈晒成碗麵😝
飲品
雜莓乳酪奶昔
酸酸地咁樣幾開胃 Smoothie嘅口感幾thick 同埋唔會飲到一半就出晒水👍🏻
Asahi 朝日啤酒
食串燒飲啤酒真係最夾🍻 同朋友開懷暢飲真係好正😊
其實餐廳有款熱門菜式 No.1大漠烤羊肉串 不過因為朋友唔食羊 所以我哋就冇嗌到喇🙊不過聽到隔離檯叫咗嚟食 仲話好惹味 唯有下次再嚟先叫啦
張貼
