影片
更多
2023-09-02
16 瀏覽
今次去左將軍澳捐窿捐罅 搵到間CP值高嘅泰國菜😎 雖然細細間舖 但係坐爆晒人 仲有其他客仔要等位 想chill啲仲可以坐室外 室外雅座有勁大部風扇 夠晒涼 大家係呢方面都可以放心🔖 手打馬沙文咖哩（雑菜）HKD88咖哩唔辣，甜甜鹹鹹，幾香椰奶味同牛油味，食落幾有層次感，入面啲餸嘅份量都多，最正就係薯仔，好入味。不過咖哩質地比較水裝，如果再杰啲就好了。🔖 蒜蓉包 5pcs （跟咖哩 +HKD35）蒜蓉包焗得好香好脆，個蒜蓉醬好香，沾埋咖哩食都好食，不過咖哩就會蓋過本來蒜蓉包嘅味。🔖 串燒（牛/雞/豬各2串） HKD88 牛肉燒得好香，有咸香；雞肉燒得外香，雞肉亦唔會太柴；豬都頗有肉味；串燒配上沙嗲醬，有少少花生碎，點綴味道又唔會搶過肉味！🔖 豬頸肉炒飯 HKD85炒飯幾香，而且用左三色豆炒，睇落就會好色彩繽紛啲，不過就略嫌偏濕少少，但是豬頸肉都燒得幾香，而且豬頸肉係大塊上，好有口感。🔖 泰式奶茶沙冰 HKD48即使叫無糖都好甜，同唔太重泰奶味，感覺比較多糖漿味。🔖 青檸沙冰 HKD48嗌左少甜，青檸嘅酸甜感幾好，加上都算係幾Fresh，好啱配搭泰菜飲。—————————————📝留意返佢
🔖 手打馬沙文咖哩（雑菜）HKD88
咖哩唔辣，甜甜鹹鹹，幾香椰奶味同牛油味，食落幾有層次感，入面啲餸嘅份量都多，最正就係薯仔，好入味。不過咖哩質地比較水裝，如果再杰啲就好了。
🔖 蒜蓉包 5pcs （跟咖哩 +HKD35）
蒜蓉包焗得好香好脆，個蒜蓉醬好香，沾埋咖哩食都好食，不過咖哩就會蓋過本來蒜蓉包嘅味。
🔖 串燒（牛/雞/豬各2串） HKD88
牛肉燒得好香，有咸香；雞肉燒得外香，雞肉亦唔會太柴；豬都頗有肉味；串燒配上沙嗲醬，有少少花生碎，點綴味道又唔會搶過肉味！
🔖 豬頸肉炒飯 HKD85
炒飯幾香，而且用左三色豆炒，睇落就會好色彩繽紛啲，不過就略嫌偏濕少少，但是豬頸肉都燒得幾香，而且豬頸肉係大塊上，好有口感。
🔖 泰式奶茶沙冰 HKD48
即使叫無糖都好甜，同唔太重泰奶味，感覺比較多糖漿味。
🔖 青檸沙冰 HKD48
嗌左少甜，青檸嘅酸甜感幾好，加上都算係幾Fresh，好啱配搭泰菜飲。
—————————————
📝留意返佢地 中環，尖沙咀，觀塘 都有分店㗎！想食泰菜不防試試～～
張貼
