泰Grill (天晉匯)

有日weekend黎開將軍澳，試左呢間係將軍澳地鐵站附近既天晉匯既⼀間泰國菜。鋪仔細細，裝修好chill，仲有out door位，餐廳入面播住啲泰式音樂，都幾舒服。肉碎生菜包 $82：肉碎炒出黎濕濕地，肥瘦參半，食落好juicy，味道酸酸辣辣好開胃，而且份量好多，生菜包哂仲有淨，生菜都好新鮮，推薦。串燒 $43：我地試左豬牛雞各一，最推薦牛肉串，肉質juicy，外皮燒到有少少燶邊，配埋沙嗲汁食，有驚喜。我地嗌左個假日Lunch set係大蝦金邊粉，配冬陰公湯或沙律，另外可以加錢加小食同配飲品。冬陰公湯 (跟餐)：味道夠香濃、夠酸，入面仲有草菇，以餐湯黎講好唔錯。蛋包虎蝦炒金邊粉 $138： 上菜就有炸大蝦一大隻，賣相好靚，開埋邊殼都唔洗拆，好貼心。Pad Thai份量好足，細食既話都夠兩個人食，配有花生粉同辣粉伴碟，味道就比較淡口，唔會好油膩。春卷 ($18/跟餐)：跟餐加18蚊有4條，好抵食，熱辣辣即刻炸起，好香脆。芒果糯米飯 $38：芒果好甜！配上椰汁同糯米飯，好正宗既泰國味！總體黎講，呢間餐廳坐得舒服，食物質素都水準之上，而且夠大份，CP值好高，不失為一個Weekend食下泰菜c