戀上台式料理 (已結業)

餐廳位於將軍澳海濱旁，沿途環境清幽又有海風吹下，幾舒服！🥢戀上生煎包一客四隻生煎包，外皮香軟略微金黃，輕咬爆汁，緊隨啖啖濃厚豬肉餡料，滋味豐富。🥢秘製羊腩煲(古早味)天氣開始凍，冬日滋補系列之一既時令羊腩煲暖胃驅寒🥘細煲羊腩極足料，有炸枝竹、筍片、馬蹄、冬菇、大葱，仲有甘蔗添清甜，味道更滋潤。羊肉半肥瘦，鮮嫩帶皮， 爐火滾熱秘製汁，風味十足。飲多幾啖腩汁都唔口乾燥熱！跟生菜一碟，掛上羊腩汁，令人回味！🥢鵝肝蚵仔魯肉溏心蛋飯魯肉碎份量幾多，拌飯惹味開胃。鮮滑地道台式蚵仔，配大片香煎金箔鵝肝，軟心又有鵝油香氣，附上半隻橙紅色溏心蛋，味道香濃。🧋黑糖仙草奶茶點杯仙草奶茶，攪勻底層黑糖，茶香奶滑，燒仙草滑溜溜，味道唔會太甜！