泰Grill (天晉匯)

手打青咖哩(海鮮)$98食泰國嘢梗係要食咖哩啦，我哋就叫咗個青咖喱，呢度嘅青咖哩質地不太杰身，味道頗辣。原條泰式菠蘿海鮮炒飯$98菠蘿海鮮炒飯係情意結，每次食泰國嘢都會order😝呢度嘅菠蘿炒飯都幾大份，碟邊仲有原條烤過嘅菠蘿，啱晒鍾意食菠蘿嘅我😍炒飯米粒粒粒分明，有魷魚、蝦仁同青口等海鮮一齊炒，炒飯加埋香甜的菠蘿肉再配上脆口的鹽焗腰果和肉鬆非常惹味！菠蘿沙冰$48食泰國嘢點可以唔叫飲品，我就一早睇中咗個菠蘿沙冰啦！成杯飲靚到可以打卡啊！用新鮮菠蘿打嘅沙冰，碎冰打得很碎，飲落淡淡菠蘿汁，酸酸甜甜，帶點果肉，超解暑！泰式綠奶茶$38香濃滑順，有綠茶獨特的清香味，而且不太甜。椰汁糕$28上層係椰汁糕、下層係大菜糕，口感滑溜、味道香濃美味。