泰Grill (天晉匯)

今日帶個女過嚟天晉滙學琴，發覺原來有間泰國菜😍最鍾意食泰國嘢嘅我一定要試吓😆 雖然唔算大，不過就乾淨企理坐得好舒服，而且仲有室外位，客人帶埋寵物黎一齊食🤩🍽️串燒combo串燒有齊豬牛雞三個口味，肉質嫩滑唔會韌，配埋沙嗲醬好惹味😋🍽️炸蝦餅蝦餅外層炸得香脆可口，鮮味結實彈牙👍🍽️燒老虎蝦老虎蝦好大隻，食落好新鮮，蝦肉彈牙，上面鋪滿蒜蓉辣椒醬好惹味😋🍽️泰式海南雞飯海南雞飯好正宗，肉質鮮嫩滑口，雞肉唔會霉，油飯飯粒分明有淡淡油香，配上醬汁後好食到停唔到口👍🍽️泰式蟹肉炒飯份量好多，每一啖都食到蟹肉，而且蟹肉好大粒，值得推介🤩🍽️泰式檸茶青檸同檸檬配上香濃茶底，食完泰菜飲番杯檸茶充滿清新嘅感覺💓