影片
更多
2023-08-15
24 瀏覽
🐟小魚兒(將軍澳)今日夜晚同咗屋企人去將軍澳呢頭食嘢，行行吓見到呢間小魚兒，食炭火風味烤魚嘅舖頭，我哋都有好一段日子冇食過烤魚，所以決定試一試！🐟老壇酸菜魚豆花海鱸魚（$308）海鱸魚嘅魚肉幾滑，配埋酸菜魚嘅湯底就更加惹味，我哋只係叫咗小辣，雖然未算係超級入味，但係一樣回味無窮，下次我哋會試吓再辣啲！另外值得一讚嘅係佢個鍋嘅四隻角都有豆花，配合埋個湯底，真係又香滑又好味！🥩滑牛肉（$83）有個咁正嘅湯底又點少得食返啲牛肉？🥳我哋一坐低叫完個魚就毫不猶豫咁樣達成共識要食牛🥰而佢嘅質素真係對得住佢個名！滑！而且佢仲相對地肥牛咁多脂肪咁邪惡～🍜紅薯粉（$28）有個咁正嘅湯底，再叫碟紅薯粉，吸咗啲湯底嘅味道再食一流！飽肚之選！🐟鮮白鱔片（$118）雖然已經食咗一條海鱸魚，但係對於鍾意食魚嘅，我哋又點會夠呢？所以我哋就叫多一點白鱔片過下口癮！佢又真係好新鮮，一啲腥味都冇，而且魚肉仲好滑添！🥗萵筍（$48）新鮮好味！正好用嚟中和一下食烤魚heavy既感覺💰人均消費：約300📍將軍澳毓雅里富麗花園地下7號3-5號舖
今日夜晚同咗屋企人去將軍澳呢頭食嘢，行行吓見到呢間小魚兒，食炭火風味烤魚嘅舖頭，我哋都有好一段日子冇食過烤魚，所以決定試一試！
🐟老壇酸菜魚豆花海鱸魚（$308）
海鱸魚嘅魚肉幾滑，配埋酸菜魚嘅湯底就更加惹味，我哋只係叫咗小辣，雖然未算係超級入味，但係一樣回味無窮，下次我哋會試吓再辣啲！另外值得一讚嘅係佢個鍋嘅四隻角都有豆花，配合埋個湯底，真係又香滑又好味！
🥩滑牛肉（$83）
有個咁正嘅湯底又點少得食返啲牛肉？🥳我哋一坐低叫完個魚就毫不猶豫咁樣達成共識要食牛🥰而佢嘅質素真係對得住佢個名！滑！而且佢仲相對地肥牛咁多脂肪咁邪惡～
🍜紅薯粉（$28）
有個咁正嘅湯底，再叫碟紅薯粉，吸咗啲湯底嘅味道再食一流！飽肚之選！
🐟鮮白鱔片（$118）
雖然已經食咗一條海鱸魚，但係對於鍾意食魚嘅，我哋又點會夠呢？所以我哋就叫多一點白鱔片過下口癮！佢又真係好新鮮，一啲腥味都冇，而且魚肉仲好滑添！
🥗萵筍（$48）
新鮮好味！正好用嚟中和一下食烤魚heavy既感覺
💰人均消費：約300
📍將軍澳毓雅里富麗花園地下7號3-5號舖
張貼
