亞參雞飯 (新都城中心二期)

營業中

休息中

終於都開到黎新都城，對於我住寶琳黎講唔駛下下都要搭車先食到，簡直太好喇。新都城分店於4月尾就已經開張、我立即就約朋友落去試一試，但都約咗半個月先去到，我去食嘅時間係下午茶時段，我一去到個門口已經好多人，我仲以為要排隊等好耐，點知原來個個都係等外賣，原來外賣有八五折，就連下午茶都有，唔怪得咁多人。我記得當時有個戴眼鏡短髮嘅男侍應問我哋幾多位，我話兩位，之後同我哋講唔使排隊，親自帶咗我哋入去一張卡位到，之後同我哋講你哋可以掃碼落單，如果落唔到嘅可以叫我地同事幫你哋落，我心諗都幾有禮貌，一般嘅情況啲侍應都係擺低張QR code跟住就走咗去，呢個態度good good。我叫咗一個豬手油飯，我朋友叫咗個檳城蝦面，我嗰個啲油飯都幾好食，係豬手就肥咗少少，而我朋友個檳城蝦面我睇落就好似好重口味，但佢食落就啱啱好，可能各人口味唔同，同埋上餐都幾快，記得嗰次我哋用餐時間好似食咗個半鐘度，因為有啲嘢傾，但我記得好似冇人過嚟同我哋講用餐時間太耐，到最後我哋因為見到門口都仲有人等緊，所以我哋都唔好意思就埋單走人😅😅整體黎講呢間新開既亞參都唔錯，環境幾好，啲員工都幾有禮貌，周圍都乾淨企理，最啱我呢啲有潔癖嘅人。