豪華小食

營業中

休息中

行完街經過寶勒巷見到新開小食店，裝修好colourful好吸引，想買宵夜食下，店有多款唔同既小食，包括燒賣、魚蛋、煎釀三寶、串燒、滷味、魚肉湯碗仔翅等地道港式小食！Order左細盒魚蛋同燒賣各10粒，魚肉燒賣賣相工整，燒賣皮呈淺黃色，粒粒脹卜卜，質感軟腍有彈性，皮厚薄適中，最佳食法就係配辣椒油吃，滿足！魚蛋細細粒先會入味，有魚味唔會成舊粉，真材實料，街頭小食黎講算不錯！沙嗲串燒即叫即燒，鮮魷魚$22煙韌得來好鮮甜，唔會燒到乾晒！串燒龍蝦丸$18配上沙嗲醬汁別有一番風味， 雞腎$15爽口又大粒，抵食！！期待佢遲d會有埋雞蛋仔同格仔餅😜😜大家行過路過千祈唔好錯過啦！