Burger Joys (士丹利街) (已結業)

同老公出去拍拖食午餐，跟住去逛街及shopping。去到士丹利街，環境咁休閒，梗係坐低飲杯啤酒。Burger joys 好有氣氛，喺陽光照射下，店面更加動人，好chill放低個仔有啲內疚感，自己個心始終囉囉攣，傾偈內容都不斷圍繞着個仔，飲飲下，爸爸就話一陣走時要外賣burger Joys嘅美味漢堡包俾阿仔食補返數。叫咗芝士漢堡比囝囝，外賣包得好整齊，返到屋企打開仍然好四正。阿囝以為我地專登出外買漢堡比佢，不知幾開心。d薯條我用氣炸鍋翻熱返，份外脆卜卜，好好味。芝士漢堡的牛肉好正，阿囝食到舔舔脷。見到佢食得開心，我哋就開心了！