Turning Point By Coffee Art (已結業)

今日同朋友去咗尖沙咀美麗華呢個商場買嘢，路過呢間餐廳，餐廳係開放式，座位都算寬敞，感覺都幾休閒舒服，剛好又係肚餓嘅時間，入去點咗兩個餐加埋一份小食。先來咗一杯飲品同一份餐湯，之後就到主食。香煎鴨肝日本黑豚肉野菌忌廉汁意大利飯，鴨肝外焦裡嫩，騷味比較出，黑豚肉切成肉條配野菌忌廉汁，同米一齊煮，另每粒米都掛住汁，一口落去口感豐富有層次。蟹籽蛋沙律吉列斑柳漢堡包配粗薯條，呢個餐上來配有大條嘅薯條，之後還有沙律，漢堡包超大個，吉列魚斑手掌咁大，魚肉都幾紮實，蟹籽蛋醬都好出色，同吉列魚好配。酥炸軟殼蟹，呢個一定要追加嘅小食，軟殼蟹外面酥脆，裏面鮮甜，肉嫩，還有蟹膏，喜歡食海鮮食蟹，又唔鍾意剝殼嘅朋友，呢個一定要試。呢間餐廳還有咖啡甜品提供，如果行街攰咗，都適合入嚟飲杯咖啡休息下。