星海．譽宴 (鱷魚恤中心)

營業中

休息中

想同朋友傾計坐耐啲，搵到呢間富麗堂皇的酒家，環境服務都唔錯。見有優惠推介，椰青燉花膠雞湯 $98，向來鍾情燉湯，仲要花膠，即時叫兩盅，燉花膠雞湯永遠係最夾，滋補養顏。再見有個孖寶優惠價＄288，係上湯焗美國龍蝦伊麵，美國龍蝦都有幾件唔算細隻，肉質新鮮彈牙，鮮味掛在伊麵上。第二寶係脆皮雞半隻，外脆肉嫩，帶著陣陣醬汁香味。杭州香醋一口骨$98，醋味好搶，醬汁酸酸甜甜，最緊要係脆口，肉質都淋。另一道係綠島雜菌煲$98，上枱時熱㷫㷫，有鑊氣，綠島原來係西蘭花，主角係大量菇，有牛肝菌，又香又有嚼口。最後酒樓送了我最喜愛的甜品紅豆沙，紅豆大粒起沙。