近近地食個中式晚餐，在貿易廣場有間富臨，又夠大可以坐得舒服D。
睇下餐牌有咩食，$9.8一份「蠔皇八頭鮑魚扣金錢」我無睇錯😱真係每位$9.8大大隻鮑魚仲有肉厚肥美的冬菇，加上西蘭花，無理由唔叫，個蠔沖扣得隻鮑魚好淋，個汁送飯簡直係一流。
1
再叫多一味好耐無食過的「白飯魚菜譜煎蛋」真能夠令我回味媽媽飯的感覺，白飯魚好大條，而蛋餅煎得好薄，配上菜譜真係相得益彰。
1
朋友最愛野味的小菜，他一見到「鐵板黑椒德國豬手」即刻叫了一碟，一上枱鐵板非常熱，一大隻豬手放在中央，而個黑椒汁是另上的，當淋上黑椒汁時，香氣撲鼻，酒樓提供了刀叉比你，方便切豬手，一切隻豬手D肉淋到自己裂開，個豬皮好似啫喱咁淋，配上黑椒汁真的好好味。
另再叫了「泰皇蝦球炒通菜」呢個好香好野味，好好下飯，有大量的蝦乾，及鮮蝦。
而「大澳香蝦骨」平切的豬排骨，肥瘦肉很均勻，蝦醬味香濃，但又不會咸，加上炸得火喉剛剛好，唔覺唔覺食咗三四件，推介之選。
1
極品燉靚湯「金銀菜燉白肺」好大煲，又足料，有大白菜膽、菜乾、鮮雞、豬肉、豬肺、紅棗，可以分到成十碗湯，足料又抵飲。
送埋生果拼盤。
