耀記滷水店

營業中

休息中

最近好耐都無同朋友聚一聚同埋食耀記，所以就約時間嚟食呢間，再試老闆手勢。我個朋友係熟客仔，所以一早同老闆落好order, 老闆當日就會買新鮮食材嚟煮。我地一行6人就叫個8個菜首先就上左個辣酒煮螺，辣味十足，非常惹味。冬風螺亦非常新鮮。之後我地仲叫老闆用淨低嘅辣湯底煮麵，啲麵掛曬啲辣湯，非常好食！！之後仲叫左龍蝦2食，蒸荷葉飯+粉絲炒底。龍蝦勁新鮮，鮮甜彈牙！果然係老闆即日新鮮買嘅龍蝦。每次來必叫的乳鴿，一咬落去爆曬啲肉汁出嚟，皮脆肉嫩。另外再加個啫啫班腩煲。魚肉新鮮無霉味。最後嚟個煎蠔仔蛋埋個靚尾。咁耐無來老闆都仲keep 到水準，食完又要再約定下次食了。