影片
更多
2023-08-22
312 瀏覽
唔得喇! 要減肥呀! 試試168方法! 一日食一餐! 食果餐係晚餐.試咗幾日，第一個感覺係更加重視晚餐，一日得一餐嘛！早兩日想食豬手，幾經辛苦等到晚餐，走去七喜，再叫個牛筋米，可惜完全係失敗! 豬手過鹹牛筋炆得唔夠耐，七喜可以永遠打入冷宮!唯有行遠少少，去肥仔記! 減肥先走去肥仔記，好似好鬼諷刺....肥仔記店舖入面有個 "本店十大必食" 木牌推介，竟然停售豬手同豬潤! 必食但無貨，係第二個諷刺...山去水遠行到嚟居然無貨，唯有轉叫白灼鵝腸同叫碗牛筋米多蔥.優點:1, 牛筋炆得夠耐，入味又夠冧，雖然未至於完完全全冧透，但已經收貨，起碼好過七喜!2, 白灼鵝腸無膏，夾自己口味，因為私唔喜歡有膏，份量足無偷工減料，夠彈牙，餐廳提供嘅醬汁係麻油+豉油+蔥粒，好彩無加辣! 我眼尾𥄫到居然有白沙糖，咁就加D辣油都唔驚! 加上咗糖同醬汁，有麻油香蔥香豉油鹹味甜味辣味，夠哂複雜夠特別! 油菜都點佢!3, 二十零蚊一碗單併麵，套餐都只係四十零蚊，抵啦! 係灣仔謝非道返工，樓下果D難食飯，五十蚊都唔得啦! 份量又細!4, 冷氣足夠.5, 環境乾淨，極具中國風.缺點:1, 餐廳又係用趟門，客人行出行入無手
試咗幾日，第一個感覺係更加重視晚餐，一日得一餐嘛！
早兩日想食豬手，幾經辛苦等到晚餐，走去七喜，再叫個牛筋米，可惜完全係失敗! 豬手過鹹牛筋炆得唔夠耐，七喜可以永遠打入冷宮!
唯有行遠少少，去肥仔記! 減肥先走去肥仔記，好似好鬼諷刺....
肥仔記店舖入面有個 "本店十大必食" 木牌推介，竟然停售豬手同豬潤! 必食但無貨，係第二個諷刺...
山去水遠行到嚟居然無貨，唯有轉叫白灼鵝腸同叫碗牛筋米多蔥.
優點:
1, 牛筋炆得夠耐，入味又夠冧，雖然未至於完完全全冧透，但已經收貨，起碼好過七喜!
2, 白灼鵝腸無膏，夾自己口味，因為私唔喜歡有膏，份量足無偷工減料，夠彈牙，餐廳提供嘅醬汁係麻油+豉油+蔥粒，好彩無加辣! 我眼尾𥄫到居然有白沙糖，咁就加D辣油都唔驚! 加上咗糖同醬汁，有麻油香蔥香豉油鹹味甜味辣味，夠哂複雜夠特別! 油菜都點佢!
3, 二十零蚊一碗單併麵，套餐都只係四十零蚊，抵啦! 係灣仔謝非道返工，樓下果D難食飯，五十蚊都唔得啦! 份量又細!
4, 冷氣足夠.
5, 環境乾淨，極具中國風.
缺點:
1, 餐廳又係用趟門，客人行出行入無手尾中門大開，走哂冷氣！坐入D先夠涼.
2, 十大必食但兩款無貨! 見到有D客一聽到豬潤停售，失望不滿之情表露無遺!
3, 要多蔥無多蔥，要少冰無少冰，又漏單，有客人叫凍0茶又嚟咗凍奶茶，人手明顯不足，收銀落單傳餐都係果一個妹妹！
希望下次嚟幫襯，除咗有豬手提供，豬手質素唔會失望啦！
張貼
