影片
更多
2023-05-10
8 瀏覽
🍴🍽🍴🍽🍴🍽🍜🍜🍜🍜🍜🍴🍽🍴🍽🍴🍽-餐廳主打慢煮嘅烹調方法，令食材更加嫩滑同鮮美。主食份量不過不失，可以自己揀湯底、沙律、冷盤同嘢飲都算滿足。裝修令人好似置身小木屋咁，菜式都係簡單日式家庭料理為主，俾人屋企溫暖同舒適感覺，簡簡單單又一餐~🥢 慢煮封門柳配雜菌燒汁 (豬骨濃湯烏冬+柚子紫薯青蘋果沙律+蒜味墨魚仔) $98 🆗豬骨湯底濃郁，烏冬都幾彈牙，吸哂豬骨湯底嘅味道，撈埋日本醬油蛋令到個湯味道更鮮美同有層次感。封門柳本身唔係好多脂肪所以好易煮到好鞋口，用慢煮方法烹調令肉質更加嫩滑，同時又保留住肉汁，突出牛肉嘅鮮味。雜菌燒汁帶酸味，夾埋一齊食幾開胃。值得一讚蒜味墨魚仔唔係平時食開紅色嗰隻，蒜味好濃好出，墨魚仔新鮮爽口。紫薯沙律撈咗青蘋果同埋用柚子汁，好清新開胃。🥢 銀鱈魚西京燒 (蕎麥麵+韓式涼拌青瓜+中華沙律) $118 🆗銀鱈魚都算新鮮，肉質鮮嫩，燒至微焦後更加突顯佢嘅鮮味。配蕎麥麵令成個餐更加輕盈，唔會太肥膩。🥢 鐵板燒牛舌 $38 🆗牛舌慢煮之後好軟嫩，再用鐵板燒兩面令到牛味更香，如果調味再重手少少就完美😛。🥢 追加醬油蛋 $8/pc 🆙隻蛋令湯麵嘅視覺效果同味道都昇華唔少，值
-
餐廳主打慢煮嘅烹調方法，令食材更加嫩滑同鮮美。主食份量不過不失，可以自己揀湯底、沙律、冷盤同嘢飲都算滿足。裝修令人好似置身小木屋咁，菜式都係簡單日式家庭料理為主，俾人屋企溫暖同舒適感覺，簡簡單單又一餐~
🥢 慢煮封門柳配雜菌燒汁 (豬骨濃湯烏冬+柚子紫薯青蘋果沙律+蒜味墨魚仔) $98 🆗
豬骨湯底濃郁，烏冬都幾彈牙，吸哂豬骨湯底嘅味道，撈埋日本醬油蛋令到個湯味道更鮮美同有層次感。
封門柳本身唔係好多脂肪所以好易煮到好鞋口，用慢煮方法烹調令肉質更加嫩滑，同時又保留住肉汁，突出牛肉嘅鮮味。雜菌燒汁帶酸味，夾埋一齊食幾開胃。
值得一讚蒜味墨魚仔唔係平時食開紅色嗰隻，蒜味好濃好出，墨魚仔新鮮爽口。紫薯沙律撈咗青蘋果同埋用柚子汁，好清新開胃。
🥢 銀鱈魚西京燒 (蕎麥麵+韓式涼拌青瓜+中華沙律) $118 🆗
銀鱈魚都算新鮮，肉質鮮嫩，燒至微焦後更加突顯佢嘅鮮味。配蕎麥麵令成個餐更加輕盈，唔會太肥膩。
🥢 鐵板燒牛舌 $38 🆗
牛舌慢煮之後好軟嫩，再用鐵板燒兩面令到牛味更香，如果調味再重手少少就完美😛。
🥢 追加醬油蛋 $8/pc 🆙
隻蛋令湯麵嘅視覺效果同味道都昇華唔少，值得追加👍。
🌟評價 𝗥𝗮𝘁𝗶𝗻𝗴𝘀🌟
食物 𝗙𝗼𝗼𝗱 7/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10
服務 𝗦𝗲𝗿𝘃𝗶𝗰𝗲 7/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10
整體 𝗢𝘃𝗲𝗿𝗮𝗹𝗹 7/10
-
🍴🍽🍴🍽🍴🍽🍜🍜🍜🍜🍜🍴🍽🍴🍽🍴🍽
張貼
