影片
更多
2018-01-25
2427 瀏覽
之前試過係雅苑座食dinner buffet，今次係第一次試佢地個宵夜buffet，一上到去餐廳，比我想像中多人，好full，同埋本身以為宵夜buffet食物選擇會少d，但原來都好多種類簡。好多人第一round都會食海鮮，我都唔例外，海鮮有蝦蜆青口同蟹腳，個人比較鐘意食蜆同青口多d，因為食落去會feel到有海鮮本身既鮮甜味，同埋d肉都幾肥美，所以食落會覺得肉質細嫩。蟹腳呢就味道ok既，幾鮮甜，但就略嫌蟹腳比較幼細，無乜肉。之後就夾左d沙律菜、螺絲粉同埋烘左個包諗住可以開胃d，跟住就再去拎左d刺身，吞拿魚味道ok，幾肥美甘香，但三文魚就覺得唔係太新鮮，比較多筋，有待改進。雖然buffet corner就有得斟兩款果汁，但我地就想試下佢地d即榨果汁，所以就一人叫左一杯蘋果甘筍汁，雖然呢個要額外加錢，但覺得都值得，杯野賣相幾靚因為好有層次，而味道都好新鮮，營養豐富之餘，一路飲一路食都可以消下劑。熟食方面，佢地有個車仔麵檔，比你自己簡粉麵簡餸再比個廚師即刻煮比你，我就夾左d瀨尿蝦、午餐肉之類，湯底就簡左泰式椰子雞湯，幾清甜，聞落味道都好香，有淡淡既椰子香味，下次有機會既話都想試埋個冬蔭公湯底。
好多人第一round都會食海鮮，我都唔例外，海鮮有蝦蜆青口同蟹腳，個人比較鐘意食蜆同青口多d，因為食落去會feel到有海鮮本身既鮮甜味，同埋d肉都幾肥美，所以食落會覺得肉質細嫩。蟹腳呢就味道ok既，幾鮮甜，但就略嫌蟹腳比較幼細，無乜肉。
之後就夾左d沙律菜、螺絲粉同埋烘左個包諗住可以開胃d，跟住就再去拎左d刺身，吞拿魚味道ok，幾肥美甘香，但三文魚就覺得唔係太新鮮，比較多筋，有待改進。
雖然buffet corner就有得斟兩款果汁，但我地就想試下佢地d即榨果汁，所以就一人叫左一杯蘋果甘筍汁，雖然呢個要額外加錢，但覺得都值得，杯野賣相幾靚因為好有層次，而味道都好新鮮，營養豐富之餘，一路飲一路食都可以消下劑。
熟食方面，佢地有個車仔麵檔，比你自己簡粉麵簡餸再比個廚師即刻煮比你，我就夾左d瀨尿蝦、午餐肉之類，湯底就簡左泰式椰子雞湯，幾清甜，聞落味道都好香，有淡淡既椰子香味，下次有機會既話都想試埋個冬蔭公湯底。
係呢個buffet，諗住食多d甜品為主，但最後唔經唔覺都夾左好多其他小食/熟食，試左魯肉飯、海南雞、炸瀨尿蝦、碗仔翅，最開心係有點心食，燒賣同叉燒包haha，同埋仲有串燒。
黎到全晚最期待既一round，就係甜品！！！！！！差唔多每款都夾左一件，超級回本!!!! 試左藍莓芝士餅，味道好濃郁，芝士味好重但不膩，不過真係有罪惡感。仲有千層酥餅，個皮好酥脆，好有口感。跟住就係冰皮綠茶卷，細細舊好得意，唔會過甜，口感煙韌，入面仲有ｄ朱古力脆脆。Tiramisu就食落好有質感，味道岩岩好唔會太澀，其實仲有好多其他甜品，eg中式糕點、水果、朱古力噴泉、泡芙等等，不過就唔打曬出黎啦。睇返d甜品相都已經好開心，仲要我真係試曬咁多款，其實去到後尾食完d甜品已經勁飽，但最後都忍唔住食埋個斑蘭味pancake。
由於帝苑d甜品真係無得輸，所以就放肆一日咁大把啦!!!
整體黎講，宵夜buffet都真係幾抵食，本身正價就$258加一，但因為openrice有75折coupon，加埋一都係around$220一位，呢個價錢可以試到咁多有質素既野食，同埋係尖東呢個位置都幾方便，同fd行完街黎呢d就岩曬，所以有機會都會再encore。
張貼
