印尼沙爹屋

營業中

休息中

上星期六收工之後約左上個朋友屋企睇波，我放完正去左佢屋企樓下都１１點半左右，又未食野。咁正路都買下野食睇住波咁食啦，順便買埋個宵夜比Ｄ朋友食。睇波點都會想食下野。咁一出左地鐵站去到東大街，都見Ｄ茶記都開始收緊鋪，我又唔想食薯片當正餐，咁繼續行。見到間印尼沙嗲屋，岩岩好啦，Ｄ串燒正好做我地Ｄ宵夜，咁另外我又叫左個沙嗲豬頸肉飯，我總共叫左５串雞５串羊同５串牛。牛肉燒得恰到好處，肉質嫩滑而有嚼口，羊肉就微帶羶香，軟腍入味，不錯。食沙嗲大概都是以吃沙嗲汁為主啦，佢個汁應該係自己秘製既，佢個秘製沙嗲醬汁，真係好正，有香濃的香料味。我分別有叫辣同唔辣，我２個都有叫到，佢２個汁都好正，辣個果真係好辣，不過正好岩我呢Ｄ鍾意食辣既人。整體黎講，我好鍾意呢間既沙嗲串燒同埋佢Ｄ汁。