影片
更多
2022-07-11
36 瀏覽
有時同男友出街早咗食野，夜少少就會肚餓，就會係附近搵下有咩啱食既宵夜，其中串燒就係一種唔錯既選擇。裝修以柚木色為主，簡潔風，加上一個bar枱位。QR code落單後，慢慢等食。花甲粉 - 連湯用錫紙包到成個塔咁，入面大概有八隻中大size花甲，隻隻鮮味無砂。 辣度叫咗少辣，粉絲吸咗湯汁，幾惹味。燒茄子 - 食串燒必點，上面舖滿蒜醬，燒得剛好，外皮完全無燶，入面就非常軟腍，容易連皮扯開。燒雞扒 - 上枱時已分開數件，皮脆肉嫩，幾抵食。豬仔既肉 - 個名好搞笑，原來係一塊豬肉片，少少脆調味夠惹味。羊架 - 有少少羶味但唔算重，無乜肥膏，略咸。燒賣 - 燒過外皮香脆，內裏煙靭。豬頸肉 - 好少切到一粒粒串燒咁食，入口肉質彈牙，調味得宜。雞軟骨 - 最鍾意食雞軟骨，燒得香脆又有咬口。錫紙蒜蓉娃娃菜 - 上枱出哂煙，蒜味重。P.S. 以上大部分以孜然粉調味
裝修以柚木色為主，簡潔風，加上一個bar枱位。
QR code落單後，慢慢等食。
花甲粉 - 連湯用錫紙包到成個塔咁，入面大概有八隻中大size花甲，隻隻鮮味無砂。 辣度叫咗少辣，粉絲吸咗湯汁，幾惹味。
燒茄子 - 食串燒必點，上面舖滿蒜醬，燒得剛好，外皮完全無燶，入面就非常軟腍，容易連皮扯開。
燒雞扒 - 上枱時已分開數件，皮脆肉嫩，幾抵食。
豬仔既肉 - 個名好搞笑，原來係一塊豬肉片，少少脆調味夠惹味。
羊架 - 有少少羶味但唔算重，無乜肥膏，略咸。
燒賣 - 燒過外皮香脆，內裏煙靭。
豬頸肉 - 好少切到一粒粒串燒咁食，入口肉質彈牙，調味得宜。
雞軟骨 - 最鍾意食雞軟骨，燒得香脆又有咬口。
錫紙蒜蓉娃娃菜 - 上枱出哂煙，蒜味重。
P.S. 以上大部分以孜然粉調味
張貼
