✿ 雍穆公主•花膠雞湯鍋 ($328)
呢個湯底真心好飲 雞湯濃郁唔油膩 入口溫順
花膠好足料 煮到軟腍同時保持膠質彈牙👍🏻
雞件亦都好大碟 完全唔敷衍🐥
✿ 艾莎公主牛肉寶盒 ($498)
呢個擺盤好精緻精緻✨
牛肉有六款 分別係手切牛三角、手切牛匙仁、和牛牛𦟌、頂級雪花肥牛、花雕牛肉同埋牛肉粒🐄
牛肉雪花分佈靚 油脂均勻 輕輕涮幾秒已經食得
食落牛味濃郁 以佢價位嚟講物超所值💯
✿ 深海龍躉片 ($138)
龍躉片切得厚薄適中 魚肉嫩滑 口感結實 食落好有鮮味🐟
✿ 黑松露蟹肉餃4粒 ($78)
餃子皮薄 咬開聞到好香嘅黑松露味😛
蟹肉亦都好鮮甜 整體好唔錯 推薦試呢個！
✿ 手打蟹子鮮蝦丸4粒 ($78)
鮮蝦好大隻 丸身彈牙多汁 鍾意食蝦嘅必點🦐
✿ 豆苗 ($68)
豆苗新鮮翠綠 煮後依然保持爽脆🥬
✿ 自家製足料竹蔗茅根 ($78)
味道清甜自然 冇人工既甜味 好解膩🫖
