ROYAL INN

今次去左尖沙咀一間宮廷風餐廳high tea，餐廳以白色宮庭風作為主題，門口設有歐式拱門，地面鋪設黑白瓷磚，仲有水晶吊燈，環境優雅，空間感十足。Royal Tea Set MenuSeafood canapés龍蝦牛油麵包煎蝦蛋沙律多士北海道刺身帶子薄片Savoury Canapés巴馬火腿蜜瓜蕃茄肉丸英式小鬆餅鴨肝幕斯配無花果Exquisite Sweet開心果焦糖燉蛋迷你鮮果撻柑橘瑪德蓮貝殼蛋糕七彩馬卡龍呢到嘅三層架以鹹點為主，好適合唔想食咁多甜嘢嘅人士。鹹點方面，龍蝦牛油麵包烘得外脆內軟，牛油香氣滿滿，配搭龍蝦肉，爽口彈牙。鴨肝幕斯配無花果，鴨肝油潤甘香，無花果清甜剛好平均油膩感。刺身帶子薄片鮮甜，配搭三文魚籽鮮味層次感更豐富。甜品方面，開心果焦糖燉蛋口感好滑溜，開心果迷必吃。柑橘瑪德蓮貝殼蛋糕入口鬆軟，淡淡柑橘香氣。另外仲配有兩杯飲品，可選檸檬茶、檸檬水、咖啡、果汁等。