影片
更多
2024-07-14
293 瀏覽
2024年6月24日 星期一今晚去咗觀塘搵食，又去返嘗試過嘅營足四季，之前食過佢嘅下午茶，仍然十分回味，今次就帶埋老婆嚟試吓佢嘅晚餐晚餐餐牌比起下午茶有更多食物可以選擇，小食同前菜都有好多種，價錢唔算太貴，所以我哋就要咗串燒、一個前菜同兩個主食等待食物期間，老婆即刻喺餐廳周圍打卡，因為見到成架露營車放咗喺餐廳裏面，加上燈光同側邊嘅裝飾真係好似置身戶外露營一樣，就連枱凳都係露營專用嘅等咗一陣小食拼盤就首先送到，就咁睇已經見到好豐富，放滿晒成個碟串燒分別有豬、牛同雞，燒得好香，點埋沙嗲汁一齊食更加惹味，肉質都好嫩滑，可惜每人每款食得一串，有少少唔夠喉另外仲有燒菠蘿，燒到外皮有少少燒焦，產生焦糖化，一咬落去仍然有好多水份，有自然嘅果甜拼盤仲有肉碎，可以用生菜包住一齊食，味道有少少辣，肉碎好夠味，仲愈食好似愈開胃添跟住有清新柚子煙燻三文魚洋蔥pizza，啱晒夏天食，因為真係有柚子嘅香味，咬落去好清新，而且同煙熏三文魚都幾夾，整體上味道唔會太過鹹最後仲有生焗泰式叉燒，同一般嘅中式叉燒好唔同，呢一款比較多肉汁，而且比較厚，肉味好濃郁，有兩款醬汁可以點，個人覺得酸辣汁比較配合，更加有風味埋單每人二百
今晚去咗觀塘搵食，又去返嘗試過嘅營足四季，之前食過佢嘅下午茶，仍然十分回味，今次就帶埋老婆嚟試吓佢嘅晚餐
晚餐餐牌比起下午茶有更多食物可以選擇，小食同前菜都有好多種，價錢唔算太貴，所以我哋就要咗串燒、一個前菜同兩個主食
等待食物期間，老婆即刻喺餐廳周圍打卡，因為見到成架露營車放咗喺餐廳裏面，加上燈光同側邊嘅裝飾真係好似置身戶外露營一樣，就連枱凳都係露營專用嘅
等咗一陣小食拼盤就首先送到，就咁睇已經見到好豐富，放滿晒成個碟
串燒分別有豬、牛同雞，燒得好香，點埋沙嗲汁一齊食更加惹味，肉質都好嫩滑，可惜每人每款食得一串，有少少唔夠喉
另外仲有燒菠蘿，燒到外皮有少少燒焦，產生焦糖化，一咬落去仍然有好多水份，有自然嘅果甜
拼盤仲有肉碎，可以用生菜包住一齊食，味道有少少辣，肉碎好夠味，仲愈食好似愈開胃添
跟住有清新柚子煙燻三文魚洋蔥pizza，啱晒夏天食，因為真係有柚子嘅香味，咬落去好清新，而且同煙熏三文魚都幾夾，整體上味道唔會太過鹹
最後仲有生焗泰式叉燒，同一般嘅中式叉燒好唔同，呢一款比較多肉汁，而且比較厚，肉味好濃郁，有兩款醬汁可以點，個人覺得酸辣汁比較配合，更加有風味
埋單每人二百幾蚊左右，完全可以體驗到露營嘅獨特風味！！
張貼
