但馬屋 (創紀之城五期(apm))

營業中

休息中

平日12：30，本來想去食同商場嘅西班牙餐廳，但佢話到兩點先有位，於是轉場去呢度，等大概十分鐘就有位。我哋四個食定量午餐。任食嘅嘢比想像中多，飲品又有水果茶又有清熱飲等。Haagen dazs雪糕有四款自己筆。意外嘅係小食種類都相當多，例如爆谷、台式腸、枝豆、炒麵等，質素絕對唔差添，爆谷沾滿焦糖漿又脆，非常驚喜！d器皿都好可愛呀。菜類都相當豐富，得意嘅款有紅色但食落似白蘿蔔嘅瓜、菜苗、羽衣甘藍等。得60分鐘限時，食得急但其實都好夠。肉類都不俗。整體嚟講覺得佢啲食物都幾有特色，同其他日式火鍋店提供嘅好唔同。refill得都相當快。最後4人大概$46x埋單。服務態度不錯，不過走嗰陣佢哋全店會嗌口號be happy，但個聲調就好似死氣沉沉咁，反而有種反差嘅搞笑感覺lol我地聽一次笑一次。