哈豆

營業中

休息中

講到觀塘數一數二嘅台灣菜，哈豆係其中一間推介餐廳，佢嘅地道台灣菜真係出晒名，暫時哈豆只有兩間，所以想食哈豆嘅你哋，就唯有要過嚟啦，原來兩間黑豆嘅餸菜都有少少唔同，呢間就係以主食為主😆😆我哋嗌咗主食有，排骨肉燥乾拌麵，佢嘅排骨炸得都唔錯，一直食都覺得有陣酒味，肉質都嫩，釀咗酒嘅排骨真係第一次試，但江拌麵嘅肉燥就比較少，如果可以多啲就滿足了，麵都彈牙，另外配左蝦卷，入面都係蝦肉嚟，好香口，而另一款就係雞翼丸子麻辣拌麵，一睇佢嘅醬汁比較深色就知佢好濃郁，麻辣都有台灣嘅味道，連佢嘅雞翼都好入味👍🏻👍🏻加多個小食:台灣滷水拼盤，呢個值得一讚嘅就係佢真係好入味，裏面有豆腐，滷蛋，牛肉，萬巒豬腳，雞翼等，豆腐將滷水嘅精華全部鎖住喺裏面，咬落去好Juicy ，另外豬腳都好爽，肉質唔錯，連雞翼都係超級濃郁，值得一試👍🏻👍🏻野飲真係花多眼亂，有好多都想試飲，我就嗌咗其中一杯推介嘅胚芽豆漿，佢仲可以走冰㗎，豆漿味夠濃，胚芽都幾多，我冇嗌到少甜但佢嘅甜度係啱啱好😌😌，另一杯係葉月豆漿紅茶，其實溝出嚟嘅味道都唔錯，雖然唔知葉月係咩意思，但佢將豆漿同紅茶溝埋又幾特別😍😍