蟹點

營業中

休息中

依間餐飯俾我印象是非常乾淨，好光鮮，冷氣充足坐得好舒適，設有室內和戶外座位。去完海洋公園，近近地過來食海鮮歎下幾好，菜式多元化有泰菜、中菜小炒、潮式打冷多選擇，仲有海洋公園本地海鮮四款推介，一定要試下，好食到呢。這裡美食份量相當大，朋友多人聚餐會好合適。本地雞蛋蒸花甲皇 $128蒸水蛋軟滑細緻，花甲皇肥美，口感爽彈鮮甜無沙，花甲好多，與蛋一起蒸，有蛋味有鮮味，正。椰汁海鮮炒飯 $88飯粒粒分明炒得乾身，充滿椰水甜味。濃郁白色面層的椰漿味道甜美，夾雜海鮮三色豆，撈飯好食。泰式咖喱炒蟹 $628生猛肉蟹斤半重大大隻，啖啖蟹肉味道鮮甜，沉浸於香甜的泰式咖喱海，用手套拆蟹方便，漿汁太多難免有點論盡，食左都好耐下。椰青 $45椰水清甜又涼快，食泰菜配椰青perfect。菠蘿沙冰 $39香甜的菠蘿味道，夠凍好飲。