影片
更多
2018-05-08
356 瀏覽
對自己好DD，就係要食好DD，食omakase 一D都唔過份。以為要過海先食到，估唔到旺角都有Omakase食，地點方便九龍人，一出地鐵就到。聽朋友講呢度嘅omakase好有水準，尤其不可miss甜品個part。日式裝修很有格調，以淺木色為主，門口有一張長bar枱，仲有小房間在旁，可以包廂開party。有好多日本証~Fresh wasabi椿Tsubaki椿$800，包先付、刺身3点、料理一品、握寿司3貫、吸物、dessert。先付冷盤為主，只有一款熱的，擺盤十分有美感。水雲髮菜山宇蓉(藍色高杯)滑lulu，鮮山芋泥，汁酸味味，好開胃。千島天婦羅，蝦脆卜卜。綠色的方塊係枝豆蕃薯豆腐，idea幾新，口感嫩滑。魷魚日本大根(中間四方碗)，魷魚有嚼勁，山根爽口，配Cesar sauce幾特別。銀魚青椒仔(方形碟)作為前菜黎講味道相對較濃，魚仔有兩種mix，好香口。螢光魷魚水菜，水菜爽口，魷魚汁係醋麵豉sauce，味道好有特色。刺身3点，粒貝，配冲繩海鹽，口感爽脆，重海水味，底墊左青檸，再加少許海鹽吊味，唔錯。北海道赤牡丹蝦加櫻花蝦，赤牡丹鮮甜肥美，入口即化，而櫻花蝦有咸香味，脆脆地，口感有多
日式裝修很有格調，以淺木色為主，門口有一張長bar枱，仲有小房間在旁，可以包廂開party。
有好多日本証~
Fresh wasabi
椿Tsubaki椿$800，包先付、刺身3点、料理一品、握寿司3貫、吸物、dessert。
先付冷盤為主，只有一款熱的，擺盤十分有美感。水雲髮菜山宇蓉(藍色高杯)滑lulu，鮮山芋泥，汁酸味味，好開胃。千島天婦羅，蝦脆卜卜。綠色的方塊係枝豆蕃薯豆腐，idea幾新，口感嫩滑。
魷魚日本大根(中間四方碗)，魷魚有嚼勁，山根爽口，配Cesar sauce幾特別。
銀魚青椒仔(方形碟)作為前菜黎講味道相對較濃，魚仔有兩種mix，好香口。螢光魷魚水菜，水菜爽口，魷魚汁係醋麵豉sauce，味道好有特色。
刺身3点，粒貝，配冲繩海鹽，口感爽脆，重海水味，底墊左青檸，再加少許海鹽吊味，唔錯。
北海道赤牡丹蝦加櫻花蝦，赤牡丹鮮甜肥美，入口即化，而櫻花蝦有咸香味，脆脆地，口感有多種層次。大toro色澤美麗，配新鮮生葵好香，食落唔會好嗆鼻，令到刺身更鮮味。
料理一品有冷蒸蛋，係凍食，蛋面有螢光魷魚，酸酸甜甜，內藏白魷魚肉片，蛋好滑，可以清下喉嚨，下一轉食寿司。
同朋友share食，可以試多味。燒吞拿魚下巴配酸汁，食材好特別，魚肉扎實，有好多膠質和魚油，放蘿蔔蓉入酸汁，再點黎食更美味。配菜山梅甜甜地，粟米仔爽口，簡單又有質素的食材。
食寿司前，先用濕紙巾擦手。花形鐵碟仔放紙巾，很美，紙巾仲要有造形咁放，好講究。
握寿司3貫，有木張魚，魚肉比較淡口和爽身;白色的右口魚嫩滑。原條生薑不是片，靚薑，少少辣，爽口甜美。
北海道馬糞海瞻味道好rich，好滿足。海綿蛋師傅送的，樣子好似海綿蛋糕，蛋面焦焦的，有點脆，味道好特別，好soft。
蜆肉麵豉湯
多隻新鮮肥美大蜆，好鮮味，最鍾意多葱。
不可不吃的甜品，超有heart，有櫻餅、枇杷、芝麻雪糕配綠茶粉、柚子朱古力、士多啤梨。甜品都有季節性，不時不食，師傅連甜點都咁用心，全是自家製！黑朱古力內係軟心柚子mousse，柚子味道濃郁，好有gimmick。白芝麻做的芝麻味唔係出面食到個種，淡淡地，唔太甜，配綠茶餅乾碎，味道好得意，帶茶味。
櫻花季節，食一口粉紅色的櫻餅，再呷一口綠茶食，好地道日式食法。樱餅的紅豆餡唔會好甜，配紫蘇葉的味道好清新。
熱綠茶作結，咁就食左兩個鐘，很愉快又有驚喜的omakase，非常滿意！
張貼
