元豐園

營業中

休息中

點左個豆腐渣湯飯，因為腸胃問題吾食得太辣所以事前已詢問可否唔落任何辣椒調味，侍應話可以。最後老闆上菜時，係上左個完全紅色既湯，話唔知有特別要求。當我地問咁可否重新整過，老闆堅決拒絕，話一定要落辣椒調味先好食，完全無視客人飲食需要。一開頭冇影到，食到好後先記得影相。所謂既豆腐渣湯飯係一啲明顯既豆腐都冇，豆腐係好似粉咁碎，成個湯都係泡菜，不如改名叫泡菜湯啦？明顯係落單同事冇同廚房溝通清楚，食物又差，老闆都要死撐話做出黎既食物冇可能同照片一模一樣。冇可能一模一樣都冇可能完全唔一樣呀？同行朋友點另一個menu(血湯湯飯)一樣好難食。係喺香港試過最差既韓國餐廳，食物同服務都三流，以後都唔會再幫襯