影片
更多
2009-12-03
38 瀏覽
因為今日放工要出金鐘攞嘢，所以決定唔返屋企食飯，咁啱男朋友都要夜收，所以約埋返屯門食飯。我先到埗，因為肚餓，所以唔等佢叫左嘢食先~~反正都係食一哥火鍋，滾住等都仲得，話晒今年已經試勻各大快餐店火鍋嘅我，諗住大家樂都還可以啦~~點知原來喺呢間食會出事!!!!因為已經過左8:30，所以部份配料有半價，當然，呢d時間已經係冇左東星班併肥牛( 不過而家諗返起未嘗唔係一件好事 )。最後叫左個穀飼牛併豚肉+豆乳火鍋+散叫多客穀飼牛、蝦滑同魚旦併魚腐湯底︰我唔知佢俾錯定真係有問題，我見個湯有好多白色沉澱物，又聞唔到有好香嘅豆味，食落個味好似有少少酸酸地，而家諗返唔知佢其實係咪俾左個麵豉湯底我呢~~穀飼牛︰老實講，今次唔關大家樂事，係我唔應該錯信「穀飼牛」，我應該都係升級食返正常嘅「雪花肥牛」，所以呢個係我嘅失誤。豚肉︰份量少，得3片，肥膏多，滾完之後唔係因為有嚿軟骨，我都唔知原來我食緊塊豚肉~蝦滑︰同一地區同一集團，需然唔同分店，但都有好大分別，食開嗰間我滾幾耐都仲好好食，唔知點解呢間滾完縮水不得止，食落已經冇晒味同實的的，唔得~~魚旦魚腐︰唯一可以接受嘅食物，不過呢個居然冇半價優惠連帶d醬料我都真
因為已經過左8:30，所以部份配料有半價，當然，呢d時間已經係冇左東星班併肥牛( 不過而家諗返起未嘗唔係一件好事 )。
最後叫左個穀飼牛併豚肉+豆乳火鍋+散叫多客穀飼牛、蝦滑同魚旦併魚腐
湯底︰我唔知佢俾錯定真係有問題，我見個湯有好多白色沉澱物，又聞唔到有好香嘅豆味，食落個味好似有少少酸酸地，而家諗返唔知佢其實係咪俾左個麵豉湯底我呢~~
穀飼牛︰老實講，今次唔關大家樂事，係我唔應該錯信「穀飼牛」，我應該都係升級食返正常嘅「雪花肥牛」，所以呢個係我嘅失誤。
豚肉︰份量少，得3片，肥膏多，滾完之後唔係因為有嚿軟骨，我都唔知原來我食緊塊豚肉~
蝦滑︰同一地區同一集團，需然唔同分店，但都有好大分別，食開嗰間我滾幾耐都仲好好食，唔知點解呢間滾完縮水不得止，食落已經冇晒味同實的的，唔得~~
魚旦魚腐︰唯一可以接受嘅食物，不過呢個居然冇半價優惠
連帶d醬料我都真係覺得唔多掂，牛肉豚肉同d菜點左d豉油我覺得都係酸酸地，唔通係我味覺出事~?~
男朋友喺我食到途中終於返到黎，佢興致勃勃去試個爵士牛扒配酥皮湯餐
薯條︰唔得，我見到都冇咩胃口，男朋友話甜架喎~~唔係化~~
酥皮湯︰湯底好似係蘑菇湯，但加埋個酥皮後，佢話個味唔多夾，怪怪地，唔得
牛扒︰一上枱淋汁，個鐵板都冇「沙沙」聲就已經知唔夠火喉，切開第一嚿，嘩，好似得3成熟咋喎~~即刻轉去牛扒另一邊切開望下，好彩都應該有8成嘅~~但男朋友一路食一路都冇反應就知唔得啦~~
唉~~原本都期待諗住試呢個爵士牛扒餐嘅我，已經打消呢個念頭，同埋我幾鐘意食火鍋都好，我真係唔會再黎呢一間，幸好同區附近仲有一間分店，如果唔係都唔知點算好~~
張貼