圓貝 (星光行) (已結業)

圓貝系以健康養生為賣點嘅自家製作食材珍珠奶茶品牌，樣靚款式豐富，所有飲品都以植物奶沖調，天然低糖，低卡，打造健康冇罪惡感嘅珍奶享受。Menu 仲會列出每款卡路里，適合追求健康同減肥人士，採用純素材料製作，包括天然植物甜味劑、自家製植物奶及以超級食物製作的珍珠，賣相仲要好出色。桂花桃龍 系由桃膠、雪燕、桂花及黃金烏龍茶調製而成，入口好似中式糖水，健康又滋潤，綿密口感嘅桃膠份量都幾多。加上雪燕同桂花，口感層次豐富，桂花味仲好突出，再配搭黃金烏龍茶，十分爽口。非常可仁 皇牌熱賣嘅呢款非常可仁只係68cal，系用黃金燕麥奶及純素朱古力糖醬調成，上面是朱古力奶蓋，朱古力味道濃郁，加上超級食物珍珠，有口感都好健康。仙芋抹茉賣相好靚，層次分明，抹茶味濃郁，配搭茉莉茶，口味清香淡雅，飲落仲有仙草、芋泥同紅豆，豐富好味。另加24蚊有曲奇，4種口味可以揀，試咗其中英倫伯爵麻糬曲奇同抹茶海鹽麻糬曲奇。純素曲奇好健康，完全冇罪惡感，濃郁抹茶味，內裏有麻糬，煙韌好味。