影片
更多
2022-10-09
118 瀏覽
呢間餐廳食物質素同價錢完全唔成正比食完刺身同埋送果盤串燒完全唔想再落單食其他野食到一肚氣，相又影唔落唯一優點: 新開張送串燒&啤酒買一送一，同坐得幾舒服缺點/問題: 1. 刺身質素一盤差唔多400蚊嘅刺身，老老豆豆我真係冇預過係咁嘅質素>帆立貝冇雪味，但都冇其他味，除咗口感冰冰地，唔知食咗啲乜>呑拿魚(應該就係赤身)計明將之後，我都未食過咁霉同咁冇味嘅呑拿魚，成功勾起十九幾年前食明將嘅記憶大家如果想回憶下自己嘅青春，可以一戰>赤蝦蝦肉好白，我覺得熟咗3成而且爽脆好有咬口，我個人就覺得唔係赤蝦嚟我食開嘅赤蝦都係望落比較晶凝，肉質入口爽，但咬完應該係會有”漿”住牙嘅感覺味道未係難食，但都唔算好食>油甘魚仲差過爭鮮係放題級數>三文魚/北寄貝唯一兩件覺得正常2. 刺身檔次問題一般呢個價位嘅居酒屋/壽司店都會有啲貴少少嘅魚食池魚，真鯛，金目鯛，赤鯥，縞參，牡丹蝦.etc 都係香港人比較鍾意食嘅魚一律欠奉當然你可以話佢地唔係主打刺身但我覺得一個放題刺身嘅餐牌，賣呢個價位就好唔合理，而且仲要唔好食3. 串燒質素串燒係送嘅，本來唔應該咁多嗲但呢6串串燒如果單點係
食完刺身同埋送果盤串燒
完全唔想再落單食其他野
食到一肚氣，相又影唔落
唯一優點: 新開張送串燒&啤酒買一送一，同坐得幾舒服
缺點/問題:
1. 刺身質素
一盤差唔多400蚊嘅刺身，老老豆豆我真係冇預過係咁嘅質素
>帆立貝
冇雪味，但都冇其他味，除咗口感冰冰地，唔知食咗啲乜
>呑拿魚(應該就係赤身)
計明將之後，我都未食過咁霉同咁冇味嘅呑拿魚，成功勾起十九幾年前食明將嘅記憶
大家如果想回憶下自己嘅青春，可以一戰
>赤蝦
蝦肉好白，我覺得熟咗3成
而且爽脆好有咬口，我個人就覺得唔係赤蝦嚟
我食開嘅赤蝦都係望落比較晶凝，肉質入口爽，但咬完應該係會有”漿”住牙嘅感覺
味道未係難食，但都唔算好食
>油甘魚
仲差過爭鮮
係放題級數
>三文魚/北寄貝
唯一兩件覺得正常
2. 刺身檔次問題
一般呢個價位嘅居酒屋/壽司店都會有啲貴少少嘅魚食
池魚，真鯛，金目鯛，赤鯥，縞參，牡丹蝦.etc 都係香港人比較鍾意食嘅魚
一律欠奉
當然你可以話佢地唔係主打刺身
但我覺得一個放題刺身嘅餐牌，賣呢個價位就好唔合理，而且仲要唔好食
3. 串燒質素
串燒係送嘅，本來唔應該咁多嗲
但呢6串串燒如果單點係要成二百蚊
relatively 就唔太合理
其實味道就還好嘅
但我講兩個唔太合理嘅位
>牛舌
牛舌係大大串，但選嘅部位竟然係一般用嘅做牛酒燴牛舌/焗飯嘅部位
>雞皮(額外叫)
正常都知道雞皮要燒到迫晒啲油岀嚟，脆脆地先會好食，呢間…. 燒到緊緊熟… 成塊仲係軟淋淋…
結論: blacklist
張貼