滿小館 (已結業)

位於尖東站P2出口行一分鐘就到的中菜館，不論係古雅得嘅裝潢氛圍，還是菜式都充滿新意，必令你食指大動！晚上7點鬆啲黎到已full左9成，仲有包廂位，空間感十足，岩曬一大班親朋好友黎聚餐。😋冰鎮荔枝串串茄 $78打卡必叫！荔枝去殼去核，調位後冰凍浸泡，食落酸酸甜甜，味道超似細個嫲嫲日日放學整畀我食的，作為前菜真係好開胃。😋火焰古法燒腩 $168蜜汁豬腩叉用酒精再火炙，充滿儀式感仲聞到碳烤香🤤，咬落肉地肥瘦相間一啲都唔嚡😍，表面燒至香脆帶焦香，鋪喺面嘅桂花花瓣消滯又靚仔，即刻叫左碗白飯$16送飯。😋小館冰鎮甜酸豬爽肉$198 一上枱冒住白煙好岩打卡，食落咕嚕肉外皮超級爽脆，每咬一下都有聲，而熱辣辣嘅內部好軟腍又入味，仲有士多啤梨、菠蘿、同藍莓作配菜，超級好味😋。😶桂花粉絲炒瑤柱$158 稱佢為乾身版同平民版的魚翅，炒蛋多過粉絲，瑤柱不多，呢道普普通通。😋花鵰醉乳鴿伴鷯蛋 $78咬落淡淡花雕酒香，乳鴿肉質嫩滑彈牙😍，吃罷舌頭留下餘香。茶位：$14/位有多款茶選擇，我地揀左少有嘅🌹瑰荔堂皇，即係玫瑰荔枝紅茶，有慢火不停溫熱，濃郁唔苦澀，養生又養顏。