影片
更多
2017-10-21
9968 瀏覽
屋企人生日，遲左book既情況之下只book到呢間自助餐食晚餐。本身見到間野咁多劣評已經冇乜期望，點知係可以用憤怒黎形容。食物 - 選擇超少，飲料另計。壽司基本上係由入埸到走都冇人郁過，皆因比壽司名家"明將"做既更樣衰同求其，一見到就冇胃口。刺身得三文魚，refill 速度極慢 (煙三文魚直頭冇refill過，全程有幸食到2塊)。刺身師傅忙住吹水。中菜方面得10樣野左右，當中已包埋炒齋麵，淨炒飯，粥。所以實際上得7樣野左右。 豬脾仔，芝士雜菜，一般可接受。藍青口味道唔錯，有鮮味。西冷扒係小弟今餐最欣賞既一味，肉嫩唔痴牙，夠juicy。即烤既食物得菠蘿，腸仔，煙肉腸，大肉腸，唔講以為開緊小朋友大食會。有烤蠔，蝦，羊架，不過食唔食到真係睇彩數，點解? 因為個烤盤細到好似家用式咁，阿姐又專登拎d菠蘿腸仔黎烤，等個盤冇位。當然你可以request，不過阿姐就會話有位先幫你燒。(阿姐其實係差唔多就收鋪先拎d生既蠔蝦羊出黎添)。服務態度 - 好對唔住咁講真係 "垃圾" 。 呢個亦都係我破戒寫呢篇食評既原因。第一樣想講既就係阿姐無啦啦拎d湯黎派，又冇問人要唔要就擺低，好似想迫你飲填飽你咁 (當然味道
食物 - 選擇超少，飲料另計。壽司基本上係由入埸到走都冇人郁過，皆因比壽司名家"明將"做既更樣衰同求其，一見到就冇胃口。刺身得三文魚，refill 速度極慢 (煙三文魚直頭冇refill過，全程有幸食到2塊)。刺身師傅忙住吹水。中菜方面得10樣野左右，當中已包埋炒齋麵，淨炒飯，粥。所以實際上得7樣野左右。 豬脾仔，芝士雜菜，一般可接受。藍青口味道唔錯，有鮮味。西冷扒係小弟今餐最欣賞既一味，肉嫩唔痴牙，夠juicy。即烤既食物得菠蘿，腸仔，煙肉腸，大肉腸，唔講以為開緊小朋友大食會。有烤蠔，蝦，羊架，不過食唔食到真係睇彩數，點解? 因為個烤盤細到好似家用式咁，阿姐又專登拎d菠蘿腸仔黎烤，等個盤冇位。當然你可以request，不過阿姐就會話有位先幫你燒。(阿姐其實係差唔多就收鋪先拎d生既蠔蝦羊出黎添)。
服務態度 - 好對唔住咁講真係 "垃圾" 。 呢個亦都係我破戒寫呢篇食評既原因。第一樣想講既就係阿姐無啦啦拎d湯黎派，又冇問人要唔要就擺低，好似想迫你飲填飽你咁 (當然味道係極差既味精湯)。第二樣上面都講左，師傅寧願吹水，周圍遊盪都唔整野，食物refill速度又慢。第三樣係"""""""重點""""""""" ，話說小弟食到尾聲，見阿姐終於肯拎D羊架出黎燒，就係度等啦，之後有個高大男人行過黎，阿姐就同佢講:搞掂叫你啦。個男人就走左返埋位。條隊仲有3個人等緊羊架。我地等左5分鐘左右，見阿姐夾起d熟既羊架，收埋放落個爐後面既一隻碟度，之後夾左2條比排緊隊既人。我再等多10分鐘，阿姐又拎起d羊架，又收埋落自己條碟度。跟住係度偷偷地望住我，細細聲問隔離個師傅: 我比唔比佢好呀? 師傅答: 你諗啦，個人係維景嫁喎。 """""""簡單d講，阿姐燒起d羊架，留比維景酒店高層。要我白等15分鐘 (當高層坐係自己位度吹水)。原來食自助餐仲要講身份。"""""""""
價錢 - 4個人食左$1100，有其他更好既自助餐可選擇。呢餐直頭唔算係自助餐添。
張貼