食咩鮮

營業中

休息中

昨天見到同事個外賣飯香噴噴，重話好好味，佢話係觀塘新開嘅外賣店食咩鮮買，今日我專程過嚟買返屋企試吓！外賣店在工業大廈樓上，環境乾淨衛生，主要提供外賣焗飯。用多款濃郁醬汁焗豬、牛、雞，有飯有意粉。即叫即製，新鮮熱辣！外賣包裝精美，保溫功能極好！厚紙盒加上金色鍚紙碗，既美觀又實用！辣辣濃咖喱慢煮雞髀焗飯，份量十足，雞脾夠大隻，因為係用咗慢煮，所以肉質比較嫩滑。咖喱汁帶有微辣，味道香濃惹味，伴飯食好惹味！意式爆茄焗豬扒飯，豬扒厚切又大塊，肉質鬆軟，醬汁係用新鮮蕃茄為主調製，味道濃郁，職員告知飯係用金鳳米煮成，米粒晶瑩剔透軟滑可口，用蛋炒過特別香口，加上酸酸甜甜嘅醬汁，越食越開胃！