影片
更多
2021-01-13
367 瀏覽
食完晏準備去家姐屋企嘅時候行經見到有間甜品店連紅色紙都未撕開，望一望入面原來係一間以奶凍做主題嘅甜品店，咁就由兩梳蕉變奶凍咁去家姐屋企。店內裝修格局鮮明企理，凍櫃亦都展示晒所有奶凍嘅產品，見到佢哋用嘅食材包括麵粉、蛋&奶都係日本，北海道3.7牛奶，日本食材係信心保證！既然要試新嘢，就緊係試多幾款口味啦！家姐鍾意伯爵茶&芋泥就主打呢兩樣味，而我就芝士控，買咗海鹽芝士奶凍卷、伯爵茶奶凍、芋泥奶凍卷、伯爵茶奶凍卷同埋伯爵茶布甸燒，家姐聽到有伯爵茶&芋泥就即刻碌大對眼話正原本就諗住一人揀一個自己鍾意嘅口味，最後都係決定開心Share啦！先試咗伯爵茶奶凍，入口勁香伯爵茶味道，好香奶香味，最重要係唔會太甜。跟住就食芋泥奶凍卷，鍾意食芋泥嘅朋友仔真係唔可以錯過，因為唔同其他地方食嘅一pat嘢咁，食到入面有少少芋粒，口感層次都唔同哂，而且外面有兔兔嘅圖案，除咗口感外，仲多個觀賞添！而海鹽芝士奶凍卷，入口咸咸地海鹽+芝士味真係夾到不得了，芝士忠粉真係唔好錯過！住喺附近嘅街坊又或者行過路過真係唔好錯過，保證你食完後去酒店buffet 唔會再食佢哋嘅奶凍！
店內裝修格局鮮明企理，凍櫃亦都展示晒所有奶凍嘅產品，見到佢哋用嘅食材包括麵粉、蛋&奶都係日本，北海道3.7牛奶，日本食材係信心保證！
既然要試新嘢，就緊係試多幾款口味啦！家姐鍾意伯爵茶&芋泥就主打呢兩樣味，而我就芝士控，
買咗海鹽芝士奶凍卷、伯爵茶奶凍、芋泥奶凍卷、伯爵茶奶凍卷同埋伯爵茶布甸燒，家姐聽到有伯爵茶&芋泥就即刻碌大對眼話正
原本就諗住一人揀一個自己鍾意嘅口味，最後都係決定開心Share啦！先試咗伯爵茶奶凍，入口勁香伯爵茶味道，好香奶香味，最重要係唔會太甜。
跟住就食芋泥奶凍卷，鍾意食芋泥嘅朋友仔真係唔可以錯過，因為唔同其他地方食嘅一pat嘢咁，食到入面有少少芋粒，口感層次都唔同哂，而且外面有兔兔嘅圖案，除咗口感外，仲多個觀賞添！
而海鹽芝士奶凍卷，入口咸咸地海鹽+芝士味真係夾到不得了，芝士忠粉真係唔好錯過！
住喺附近嘅街坊又或者行過路過真係唔好錯過，保證你食完後去酒店buffet 唔會再食佢哋嘅奶凍！
張貼
